२०७९ श्रावण २७ शुक्रबार
  • काठमाडौँ

अन्डरवेयरभित्र लुकाएर ल्याएको सुनसहित एकजना पक्राउ

काठमाडौं । त्रिभुवन अन्तरार्ष्ट्रिय विमानस्थलबाट ५१६.५ ग्राम सुनसहित एकजनालाई प्रहरीले पक्राउ गरेको छ ।कतार एयरवेजको विमानबाट बिहीबार बिहान काठमाडौं आएका धुनषाका जितेन्द्र कुमार यादवलाई सुनसहित पक्राउ गरेको हो ।

त्रिभुवन अन्तर्राष्ट्रिय विमानस्थलस्थित भन्सार कार्यालयका प्रमुख महेश भट्टराईले चेकजाँच गर्ने क्रममा ती युवाले लगाइराखेको भित्री वस्त्र (कटटु) मा फल्स पकेट बनाई विष्कुट आकारको सुन ४६६.५ ग्राम र सिक्री आकारको सुन ५० ग्राम गरी कुल ५१६.५ ग्राम सुन फेला पारेको जानकारी दिए ।

बरामद सुनसहित युवामाथि आवश्यक अनुसन्धान भइरहेको प्रहरीले जनाएको छ ।

यो पनि पढ्नुहोस …निद्रा नलागेर हैरान हुनुहुन्छ ? सजिलै निदाउन यसो गर्नोस्
कोही मानिस बिस्तारा भेट्ना साथ ५ मिनेटमा नै निदाइ हाल्छन् भने कोही घण्टौं सम्म निदाउन सक्दैनन् । भनिन्छ तातो दुध, कफी पिउनाले वा तातो पानीले नुहाउनाले मज्जाको निद्रा लाग्छ । तर, सबैलाई यस्तो नहुन पनि सक्छ ।

इङ्ल्यान्डमा मात्र १० करोड मानिसले निदाउने औषधी खाँदै आएका छन् र विश्वभर ८६ प्रतिशत मानिस निदाउन नसक्ने वा निद्राबाट विचलित हुने गरेका छन् । यसै कारणले गर्दा यस विषयमा धेरै अनुसन्धान पनि हुने गरेका छन् । निदाउन नसक्नुका प्रमुख कारण तनाव लिने, केही नगरि दिन बिताउने, मनमा कुरा खेलाउने जस्ता हुन् । यदि तपाई पनि निद्रा नलागेर चिन्तित हुनुहुन्छ भने तल दिइएका उपाय अपनाउनुहोस् ।

१.देब्रे नाकबाट सास तान्ने
देब्रे पट्टि फर्किएर सुत्ने र एउटा हातले दाहिने नाक बन्द गर्ने र देब्रे नाकबाट सास तान्ने ।

२.मांसपेशीहरु तन्काउने र आराम दिने
उत्तानो परेर सुत्ने, लामो सास तान्ने र आफ्नो हात खुट्टा तन्काउने । कम्मर भन्दा माथिको भाग दाँया बाँया घुमाउने र दुवै हातलाई बिस्तारै तन्काउने–खुम्चाउने । यसो गर्नाले तपाईको हरेक मांसपेशीलाई आराम मिल्छ र निदाउन सजिलो हुन्छ ।

३.अनिधो बस्न खोज्ने
तपाईले आफू अनिधो बस्छु भनि आँखा ठूलो पारेर केही बेर बस्ने हो भने आँखा छिटो थाक्छन् र छिटै निदाउन मदत हुन्छ ।

४.दिनका कुरालाई उल्टो गरी सम्झने
दिनभरिका कुरालाई निदाउने बेलामा उल्टो गरी सम्झदै जाने हो भने तपाईको मस्तिष्कलाई आराम मिल्छ र निदाउन मद्दत हुन्छ ।

५.आँखालाई घुमाउने
आँखा बन्द गरेर आँखाको गेडी घुमाउँदा निद्रा लाग्ने हर्मोन उत्पादन हुन्छ र हामी छिटै निदाउन सक्छाँै ।

६.सोचमा हराउनु होस्
हामी सोच्ने भन्नासाथ बितेका कुरा सोच्न थाल्छौँ । तर यसो गर्दा हाम्रो निद्रा झन बिग्रन्छ । हामीले हाम्रो तीनवटा संवेदना प्रयोग गरेर नयाँ ठाँउ वा नयाँ काम गरेको सोच्न थाल्ने हो भने हामी छिटै निदाउन सक्छौँ ।

७.मुख बन्द गरी सानो मलिन स्वरमा आवाज निकाल्ने
आफ्नो शरीरलाई आराम अवस्थामा राख्ने र आँखा चिम्लने र मलिन स्वरमा मुख बन्द गरी ‘हम्म्म्म’ गरी आवाज निकाल्ने । कुमलाई नतन्काई खुला छाडिदिने र बिस्तारै सास लिने । सास लिँदा छातीलाई नफुलाई पेट फुलाउने र सास फाल्दा पेट सानो गर्ने । यसो गर्नाले
तपाईको शरीरलाई आराम मिल्छ र मस्तिष्कले पनि स्फुर्ति प्रदान गर्दछ ।

८.आँखीभाैकाे बीचमा थिच्ने
तपाईको दुई आँखीभौँको ठिक बीचमा रहेको नशाले तपाईको मस्तिष्कलाई स्फुर्त बनाइदिन्छ । दुई आँखीभौँको बीचको भागलाई २० सेकेन्ड बिस्तारै थिच्ने र छाड्ने । यो प्रक्रिया तीन पल्ट दोहोर्याउने हो भने छिटो निद्रा लाग्छ ।एजेन्सी

२०७९ जेष्ठ २६, बिहीबार प्रकाशित 0 Minutes 152 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार