२०७९ भाद्र २ बिहीबार
  • काठमाडौँ

मेयर बालेन्द्रले सकेनन् भन्दै आफैं फोहोर उठाउन निस्किए १६ नम्बरका वडाध्यक्ष

काठमाडौं :

ल्यान्डफिल्ड साइटको अवरोधका कारण सडकमै फोहोर थुप्रिएपछि काठमाडौँ महानगरपालिका वडा नम्बर १६ का वडाअध्यक्ष मुकुन्द रिजालले सोर्हखुट्टे क्षेत्रको फोहोर आफैं उठाएका छन्।

महानगरको संयन्त्रले वातावरण विभागले फोहोर उठाउन नसकेपछि वडा अन्तर्गत रहेका महानगरको गाडी प्रयोग गरेर सडकमा थुप्रिएका फोहोर उठाउन लगाएका हुन्।

कर्मचारीले फोहोर उठाएपछि फिल्डमा ‘सर टेकुमा नल्या भन्छ’ भनिरहँदा उनी जवाफ दिइरहेका थिए, ‘हत्तेरी टेकु लैजाने हैन क्या।’

उनले फोहोर सङ्कलनको काम वडाको नभई महानगर अन्तर्गतको भए पनि सडकमा फोहोर नउठेपछि आफैं फोहोर उठाउन निस्किएको बताए।

‘अब केन्द्रले सकेन भनेर चुप बस्न सकिएन। मेरो वडाको फोहोर अब मै उठाउँछु,’ उनले भने।

काठमाडौँ महानगरको पहिलो कार्यपालिका बैठकमा बैठकको पद्धतिबारे प्रश्न उठाएपछि मेयर बालेन्द्र शाहका शुभेच्छुकहरूले शाहलाई काम गर्न अवरोध पुर्‍याउने प्रयास गरेको भनेर उनको विरोध गरेका थिए।

पछिल्लो समय वडाध्यक्षको टेबलमा बसेर टिकटक बनाएकोमा उनको आलोचना भइरहेको छ। उनले फोहोर उठाए पनि कहाँ ब्यवस्थापन गर्ने भन्ने खुुलाएका छैनन्।

२०७९ जेष्ठ २३, सोमबार प्रकाशित 0 Minutes 301 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार