२०७९ श्रावण २९ आईतवार
  • काठमाडौँ

कसैलाई नहेप्नु भाग्य चम्कियो भने के हुन्दैन : बाँझो जमिन खन्दा भेटियो करोडौँको बहुमूल्य खजना

काठमाडौ । अहिलेको अवस्था देखेर कसैलाईपनि नहेप्नु । किनकी हरेक मानिसका दिन आउँछन् । कसैलाई भाग्यले चम्काउँछ त कसैलाई परिश्रमले चम्काउँछ ।

भारतको तेलंगानाको जनगाँव जिल्लाको पेम्बर्थीमा एक मानिसका लागि यस्तै भएको छ । एक गरिब किसानको आँखा उज्यालो भयो जब बिहीबार बाँझो जमिन खन्ने क्रममा सुनले भरिएको भाँडो भेटियो ।

किसान नरसिंहले ५ किलो सुन सहित अरु बहुमूल्य गहनाले भरिएको माटोको भाँडो फेला पारे। त्यसको लागत करिब २ करोड रुपैयाँ छ। एक हजार देख्न धौ–धौ पर्ने किसानको हातमा एकै पटक २ करोड परेको छ ।

खजाना भेटिएको खबर चैत्रमा खरमा लागेको आगो जस्तै फैलियो र सयौं मानिसहरु भेला भए। प्रशासनका मानिसहरु पनि हतारमा घटनास्थलमा पुगेर अनुसन्धान सुरु गरे। सुन बरामद गरी जाँचको लागि पठाइएको छ।

तर कानून अनुसार उक्त सम्पत्ति कसको हो भन्ने प्रमाण फेला नपरे भेट्ने किसानलाई राज्यकोषमा केही हिसाब राखेर दिइन्छ । यसैले अब किसान मालामाल हुने भएका छन् ।

नरसिंहले एक महिना पहिले मात्र ११ एकड जग्गा किनेका थिए र उनी यसलाई समतल बनाउनमा व्यस्त थिए।

समतल बनाउँन खन्दै गर्दा एक्कासी सुनले भरिएको भाँडा भेटियो । जसमा २२ सुनको झुम्का (७२.२२ ग्राम), ५१ गुन्डेलु (५८.८०० ग्राम), ११ पुस्थेलु (१७.८०० ग्राम), एक १३ ग्राम नागा पड‍िगेलु, २४ ग्रामको एउटा सानो सुनको रड र २६ चाँदीको लाठी (१.२२७ ग्राम) भेटियो ।

साथै ५ वटा चेन (२१६ ग्राम), २१ चाँदीको औठी (२४२ ग्राम) र ३७ वटा अन्य चाँदीका सामान (४२ ग्राम) फेला परेका छन् । यस बाहेक ७ माणिक (रुवी) (६.५०० ग्राम) र १ किलो २०० ग्राम तामाको कलश भेटियो ।

यो खजाना काकतीय वंशको हो भन्ने विश्वास गरिन्छ। त्यो बेलाको गहना हेर्दा निक्कै पौराणिक देखिन्छ । वारंगल काकतीय राज्यको राजधानी थियो। जंगांव पहिले वारंगल को एक हिस्सा थियो र हालै एक अलग जिल्ला बनाइएको छ।

यसभन्दा पहिले जुन २०२० मा, तेलंगानाको संगारेड्डी जिल्लाको जहिराबादमा एक किसानले खेत जोत्ने क्रममा जमिनमुनिबाट सुन र धेरै रत्न भेटेका थिए। यो मात्र हैन किसान भूमि भित्र बाट धेरै नै बहुमुल्य गहना पाएका थिए ।

यी सबै प्राचीन वस्तुहरु सुन, चाँदी र तामाका थिए । येरागड्डापल्ली गाउँका किसान याकूब अली बाली रोप्न आफ्नो खेत जोत्दै थिए जब उनले जमिनमुनि सुन र धेरै रत्न भेटेका थिए ।

खेत जोत्दै गर्दा याकूब अलीको हल गोरु केही बेर रोकियो । हलोमा अड्कीएर जे बाहिर आयो त्यो देखेर याकूब अली स्तब्ध भएका थिए ।

सुरुमा उनीहरूले तीन कांस्य भाँडा भेटे। जसमा गहनाले भरिएको थियो। उत्खननमा २५ सुनका सिक्का, घाँटीका गहना, औठी, परम्परागत भाँडा भेटिएको थिए । जुन पुरातत्व विभागलाई पठाइएको थियो।

काेराे-ना भा- ईरस ( काे-भिड – १९ ) बाट बच्न सबैले सामाजिक दुरि कायम राखाैँ अनिबार्य रुप मा माक्स को प्रयोग गरौं साबुन पानिले मिचि मिचि हात धुने बानि बसालाैँ । जनहितमा जारी सन्देश । हाम्राे न्युजहरु हजुरहरुलाई कस्ताे लाग्छ सल्लाह सुझाव को लागि हामिलाई कमेन्ट बक्समा कमेन्ट गर्न सक्नुहुनेछ ।

२०७९ जेष्ठ २३, सोमबार प्रकाशित 1 Minute 594 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार