२०७९ भाद्र ३ शुक्रबार
  • काठमाडौँ

यी मोटरसाइकलको मूल्य घट्यो

काठमाडौं, जेष्ठ १६ ।

सरकारले २०० सीसीभन्दा कम क्षमताका मोटरसाइकल तथा स्कुटरमा करको दर घटाएको छ । अर्थमन्त्री जनार्दन शर्माले आइतबार आर्थिक वर्ष २०७९/८० को बजेट सावर्जजनिक गर्दै सरकारले १२५ देखि २०० सीसीम्मका मोटरसाइकल तथा स्कुटरमा अन्तःशुल्क १० प्रतिशत घटाएको जानकारी दिए ।

यसअघि ५० प्रतिशत रहेको अन्तःशुल्कलाई घटाएर सरकारले ४० प्रतिशतमा झारेको हो । सरकारले २०० देखि २५० सीसीसम्मका मोटरसाइकलमा अन्तःशुल्क भने २० प्रतिशतले बढाएर ८० प्रतिशत पुर्याएको छ । यसअघि ६० प्रतिशत रहेको थियो ।

बजेटले २०० देखि २५० सीसीसम्मका मोटरसाइकलमा भन्सार शुल्क ३० प्रतिशतबाट बढाएर ४० प्रतिशत बनाएको छ । यसअघि सबै मोटरसाइकलमा ३० प्रतिशत नै भन्सार लाग्दै आएकोमा २५१ सीसीदेखि ५०० सीसीसम्मका मोटरसाइकलमा बढाएर ७० प्रतिशत पुर्यार्एको छ । यो रेन्जमा अन्तःशुल्क ८० प्रतिशत पुर्‍याएको छ ।

५०१ सीसीदेखि माथिका सबै मोटरसाइकल आयात गर्दा भन्सार ८० प्रतिशत भन्सार लाग्नेछ भने १०० प्रतिशत अन्तःशुल्क लाग्नेछ ।

२०७९ जेष्ठ १७, मंगलवार प्रकाशित 0 Minutes 270 Views

यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

यो खबर पढेर तपाईलाई कस्तो महसुस भयो ?

ताजा समाचार