भाटभटेनीमा भेटियो अनियमितता, चिनी, खाने तेलमा २० प्रतिशतभन्दा बढी नाफा

समाचार

भक्तपुरको राधेरोधस्थित भाटभटेनी सुपर मार्केटले अनियमितता गरेको भेटिएको छ। जिल्ला प्रशासन कार्यालय भक्तपुरले बिहीबार गरेको बजार अनुगमनको क्रममा चिनी तथा खाने तेलमा २० प्रतिशतभन्दा बढी नाफा लिएको पाइएको हो।

अनुगमन टोलीले मूल्यसूचि नभएको, खरिद बिल देखाउन नसकेको हुनाले उपभोक्ता संरक्षण ऐन बमोजिम कार्वाही गर्ने सहायक प्रमुख जिल्ला अधिकारी मुकेशकुमार केशरीले बताए। टोलीले भाटभटेनीमा रहेको तरकारीमो तौल नपुगेको तथा महँगोमा तरकारीहरु बेच्न राखेको भन्दै सम्झाईबुझाई गरेको थियो।

दशैंपर्व नजिकिएसँगै खाद्यान्न तथा दैनिक उपभोग्य वस्तुहरुमा मूल्यवृद्धि भएको उपभोक्ताहरुको गुनासो आएको भन्दै प्रशाशनले बजार अनुगमन शुरु गरेको जिल्ला प्रशासन कार्यालय भक्तपुरले जनाएको छ। सहायक जिल्ला प्रमुख अधिकारीको नेतृत्वमा
उपभोक्ता मञ्च, खाद्य तथा गुण नियन्त्रण विभाग र मध्यपुरथिमि नगरपालिकाको संयुक्त टोलीले बजार अनुगमन गरेको हो।

यो पनि पढ्नुहोस –अहिले बजारमा गुन्द्रुकको भाउ मासुको भन्दा महंगो पर्ने भएको छ । अहिले उपभोक्ताले गुन्द्रुकलाई प्रतिकिलो एक हजार रुपैयाँसम्म तिर्दै आएका छन् । उपत्यकामा ब्रोइलर कुखुराको तयारी मासु खुद्रा मूल्यमा प्रतिकिलो दुई सय ९० रुपैयाँमा बिक्री भइरहेको छ ।

कुखुराको मासुभन्दा गुन्द्रुक महंगोमा बिक्री भइरहेको छ । पछिल्लो समय साग उत्पादनमा कमि आएको भन्दै बजारमा गुन्द्रक कम मात्रामा पाइने र महंगो पनि हुने गरेको व्यवसायी बताउँछन् । तर, व्यापारीले खुद्रा बजारमा उपभोेक्तासँग मनलाग्दी मूल्यमा गुन्द्रुक बेच्दै आएका छन् ।

खुद्रा बजारमा एक सय ग्रामको नै एक सय रुपैयाँ लिँदै आएको उपभोक्ता बताउँछन् । यो भनेको प्रतिकिलो एक हजार रुपैयाँ हो । पसलैपिच्छे मूल्य फरक हुँदा उपभोक्ता मारमा परेका छन् । दशैँ नजिकिँदै गर्दा मासुको भाउ बढ्न पर्नेमा गुन्द्रुकको भाउ बढेर किनेर खान नसकिएको गुनासो उपत्यकाका उपभोक्ता राम तिवारी बताउँछन् ।

उनी भन्छन्, ‘बरु मासु नै किनेर खान सस्तो पर्छ, किन गुन्द्रुकमा पैसा हाल्नु ?’त्यस्तै, अर्का काठमाडौंका खुद्रा तरकारी व्यवसायी हरिदास खड्का भन्छन्, ‘थोकमाभन्दा हामीले केही महंगोमा नै बेच्नु पर्छ ।’ अहिले कृषकले साग उत्पादनमा वृद्धि गर्न नसक्दा गुन्द्रुकको मूल्य बढी पर्न गएको उनको अनुभव छ ।

नेपालीलाई धेरै नै मनपर्ने, पकाउन पनि छिटो र स्वाद पनि मिठो हुने भएकाले उपभोक्ताले गुन्द्रकलाई भान्सामा धेरै प्रयोग गर्छन् । निषेधाज्ञाका कारण होटल, रेष्टुरेन्ट लगायत मासु खपत हुने ठाउँहरु बन्द हुँदा बजारमा मासुको माग ह्वात्तै घटेको छ ।तर, गुन्द्रुकको भाउ भने बढेको छ ।

कसरी बनाइन्छ गुन्द्रुक र यसको फाइदा के छ ?गुन्द्रुक सागबाट बनाइन्छ । गुन्द्रुक रायो साग, तोरीको साग, मुलाको साग आदिबाट बनाइने परम्परागत तरकारी हो । गुन्द्रुकमा मुख्यतया ४८ प्रतिशत कार्बोहाइडेट, ४९ प्रतिशत प्रोटिन र ३ प्रतिशत चिल्लो पदार्थ पाइन्छ ।

कुनै बेला गाउँमा यसलाई छाक टार्ने तरकारीको रूपमा मात्र लिइन्छ भने यसले शरीरमा दिने फाइदाको कारण पछिल्लो समयमा शहरको धनीहरूमा पनि यो लोकप्रिय भएको छ । अब गाउँमा मात्र होइन सहरमा पनि यसको माग बढेको हो ।

Leave a Reply

Your email address will not be published. Required fields are marked *